Why Poor People Stay Poor – ‘या’ ३ चुका टाळा आणि श्रीमंत व्हा

गरीब लोक वारंवार ‘या’ ३ चुका करतात, म्हणून श्रीमंत बनू शकत नाहीत! Why Poor People Stay Poor

एका श्रीमंत व्यक्तीला विचारलं, “तुम्ही एवढे यशस्वी कसे झालात?”त्याने शांत हसत उत्तर दिलं, “मी फक्त त्या चुका टाळल्या ज्या गरीब लोक वारंवार करतात!”

ही वाक्यं ऐकून आश्चर्य वाटलं ना? पण हीच सत्य परिस्थिती आहे. गरीब आणि श्रीमंत यांच्यातील मुख्य फरक फक्त एका गोष्टीवर अवलंबून असतो. विचार करण्याच्या पद्धतीवर!

श्रीमंत लोक पैशांना एका वेगळ्या दृष्टिकोनातून पाहतात. त्यांना माहित असतं की पैसा कमवणं आणि तो योग्य ठिकाणी वापरणं, ही दोन्ही कौशल्यं महत्त्वाची आहेत. पण गरीब लोक मात्र याच गोष्टींमध्ये चुका करतात आणि त्या वारंवार करतात.

आजच्या लेखात आपण अशाच ३ मोठ्या चुका पाहणार आहोत ज्या गरीब लोक अजाणतेपणी करत राहतात आणि त्यामुळे ते कधीही श्रीमंत होऊ शकत नाहीत. या चुका टाळल्या, तर तुमचं आर्थिक आयुष्य पूर्णपणे बदलू शकतं.

मग, तुम्हीही त्या चुका करताय का?

जर तुमच्या मनात थोडीशीही शंका असेल, तर हा लेख शेवटपर्यंत नीट वाचा. कदाचित हा लेख वाचल्यानंतर तुम्ही तुमच्या आर्थिक जीवनात मोठा बदल घडवू शकाल!

चूक क्रमांक १: कधीच सेव्हिंग करत नाहीत!

पैसे आहेत तर उडवायचेच ना! – गरीब लोकांचा विचार

बचत म्हणजे पुढील आयुष्यात उपयुक्त ठरणारी सवय‌ – श्रीमंत लोकांचा दृष्टिकोन

गरीब लोक एक मोठी चूक करतात – ते पैसे कमवतात, पण कधीच सेव्ह करत नाहीत!

त्यांचा एक ठरलेला विचार असतो, “जेवढं कमवतोय, तेवढंच खर्च करायचं, आयुष्य उपभोगायचं, बचत करण्यासाठी पुढे खूप वेळ आहे.” पण सत्य हे आहे की, बचत करण्यासाठी योग्य वेळ कधीच येत नाही, ती आपण निर्माण करावी लागते!

तुमच्या आजच्या सवयी ठरवतात की १० वर्षांनी तुम्ही आर्थिकदृष्ट्या स्वावलंबी असाल की पुन्हा पैशांसाठी संघर्ष करत असाल!

विचार करा: समजा, तुमच्या हातात महिन्याला ५०,००० रुपये येतात, पण तुम्ही ४९,९९९ रुपये खर्च करता.दुसरीकडे, तुमच्या मित्राच्या हातात फक्त १५,००० रुपये येतात, पण तो त्यातून ५,००० रुपये सेव्ह करतो.

५ वर्षांनी कोण जास्त श्रीमंत असेल?

उत्तर स्पष्ट आहे – तुमचा मित्र! कारण त्याने दरमहा ठरवून पैसे साठवले आणि योग्य ठिकाणी गुंतवले, आणि तुम्ही फक्त खर्च करत राहिलात.

गरीब लोकं ही चूक सतत करतात. त्यांना वाटतं की जास्त पैसे कमावल्यावरच बचत करता येईल, पण तो दिवस कधीच येत नाही!

गरीब लोक या ३ मोठ्या चुका करतात:

सेव्हिंगची सवयच लागत नाही! त्यांना वाटतं, “आता खर्च करायचा वेळ आहे, पुढे बघू सेव्हिंगचं.”पण पुढे आयुष्यात मोठे खर्च येतात, आणि सेव्हिंगची सवय नसल्याने ते आणखी अडचणीत येतात.

जास्त कमावल्यावर सेव्हिंग सुरू करेन असं म्हणतात, पण तो दिवस कधीच येत नाही! गरीब लोकांच्या विचारसरणीमुळे ते जितके जास्त पैसे कमवतात, तितके जास्त खर्च करतात!”आज एखादा गॅजेट घेतो, उद्या फॅन्सी गाडी घेईन, नंतर मोठा घरखर्च आहे…” असं म्हणत ते सेव्हिंगला मागे टाकतात.

मी पैसे सेव्ह करून काय करणार?” असा विचार करतात. त्यांना वाटतं, “बचत करून मोठा फायदा होतो का?”पण बचत करून योग्य ठिकाणी गुंतवले तर त्यातून मोठी संपत्ती निर्माण करता येते!

श्रीमंत लोक काय करतात?

ते पैसे मिळाल्यावर आधी सेव्हिंग करतात. श्रीमंत लोक मिळालेल्या उत्पन्नातून आधी १०-२०% रक्कम सेव्ह करतात, नंतर उरलेले पैसे खर्च करतात.त्यांचा पहिला प्राधान्यक्रम म्हणजे संपत्ती वाढवणे आणि आर्थिक सुरक्षितता मिळवणे!

ते पैशांवर कंट्रोल ठेवतात, पैसा त्यांच्यावर नाही. गरीब लोक त्यांच्या भावनांच्या आधारावर खर्च करतात. सेल्स, डिस्काउंट, ब्रँड्स यांना बळी पडतात.श्रीमंत लोक मात्र त्यांच्या प्रत्येक रुपयाचा हिशोब ठेवतात आणि फक्त महत्त्वाच्या गोष्टींवर पैसे खर्च करतात.

ते पैसे योग्य ठिकाणी गुंतवतात, जेणेकरून ते वाढत राहतील. सेव्हिंग म्हणजे पैसे फक्त बँकेत ठेवणे नव्हे, ते योग्य ठिकाणी गुंतवणूक करणेही तितकंच महत्त्वाचं आहे.श्रीमंत लोक त्यांच्या बचत केलेल्या पैशांचं प्लॅनिंग करतात आणि त्यातून वाढ मिळवतात.

श्रीमंत होण्याची प्रक्रिया आजपासून सुरू होते!तुम्ही याच क्षणी सेव्हिंग सुरू करणार का? का अजूनही “पुढच्या महिन्यात बघू” म्हणणार?तुमच्या उत्तरावर तुमच्या भविष्याचा निर्णय ठरणार आहे!

१००% चुकीच्या ठिकाणी गुंतवणूक करतात!

पैसा गुंतवला म्हणजे तो वाढेलच!

मी एवढे पैसे गुंतवले, पण काहीच फायदा झाला नाही!

तुम्हीही असं अनुभवलं आहे का? किती वेळा असं होतं की एखाद्या मित्राने सांगितलं, नातेवाईकाने सुचवलं, किंवा सोशल मीडियावर एखादी “हॉट स्कीम” पाहून तुम्ही गुंतवणूक केली आणि नंतर नुकसान झालं?

पैसे गुंतवणं चांगली सवय आहे, पण “कुठे गुंतवतोय?” हे त्याहून महत्त्वाचं आहे!श्रीमंत लोक गुंतवणुकीचा अभ्यास करून पैसे वाढवतात, पण गरीब लोक कुठेही पैसे टाकतात आणि नंतर पश्चात्ताप करतात.

गरीब लोक गुंतवणुकीत कशा चुका करतात?

माझा मित्र म्हणाला, अमुक ठिकाणी पैसे गुंतव!‌ आणि लगेच पैसे टाकतात. किती वेळा असं झालंय की मित्राने, नातेवाईकाने किंवा ऑफिसमधल्या कोणा तरी व्यक्तीने सांगितलं, “ही स्कीम भारी आहे!” आणि तुम्ही कोणताही विचार न करता पैसे गुंतवले? गुंतवणूक ही नातेवाईकांवर किंवा मित्रांवर अवलंबून असलेली गोष्ट नाही, ती अभ्यास करून करायची असते!

कोणताही रिसर्च न करता पैसे गुंतवतात. किती वेळा आपण फक्त “मोठा परतावा मिळेल” म्हणून पैसे टाकतो, पण त्यामागची वास्तविकता समजून घेत नाही? शेअर मार्केट, म्युच्युअल फंड, स्टार्टअप्स, रिअल इस्टेट, क्रिप्टो कोणत्याही ठिकाणी पैसे गुंतवायचे असतील, तर अभ्यासाशिवाय पुढे जाऊ नये. पण गरीब लोक गुंतवणूक करण्याआधी एकही पुस्तक वाचत नाहीत, कोणताही तज्ञ सल्ला घेत नाहीत, आणि मग नुकसान झाल्यावर दु:खी होतात!

फास्ट पैसा कमवायचा आहे! म्हणून डबल स्कीममध्ये फसतात. फक्त ६ महिन्यात पैसे डबल!, १००% परतावा मिळेल!, “गॅरंटीड प्रॉफिट! अशा गोष्टी ऐकल्यावर गरीब लोक लगेच पैसे गुंतवतात.पण वास्तविकता अशी असते की श्रीमंत होण्याचा कोणताही शॉर्टकट नाही. श्रीमंत होण्यासाठी चांगली गुंतवणूक, संयम, आणि वेळ या तीन गोष्टी लागतात.

श्रीमंत लोक गुंतवणुक‌ कसी करतात?

ते मार्केट समजून घेतात. श्रीमंत होण्यासाठी फक्त पैसे कमावणं पुरेसं नाही, तर पैशाचा योग्य वापर कसा करायचा हे शिकणंही महत्त्वाचं आहे. श्रीमंत लोक बाजार समजून घेतात, स्टॉक्स, प्रॉपर्टी, बिझनेस यांचे ट्रेंड पाहतात आणि मग पैसे गुंतवतात.

ते आधी अभ्यास करतात, मग गुंतवणूक करतात. शेअर मार्केट असो किंवा म्युच्युअल फंड श्रीमंत लोक कुठे आणि कसा परतावा मिळेल याचा पूर्ण अभ्यास करतात. त्यांना माहित असतं की पैसा वाढवण्यासाठी गुंतवणूक आवश्यक आहे, पण त्यासाठी योग्य ज्ञान हवं.

ते दीर्घकालीन फायदा मिळेल अशा ठिकाणी पैसे गुंतवतात. श्रीमंत लोक कधीही “फास्ट मनी” किंवा “शॉर्टकट स्कीम” शोधत नाहीत.ते १०-१५ वर्षांचा प्लॅन करून गुंतवणूक करतात, कारण त्यांना माहित असतं की मोठा पैसा संयम आणि योग्य निर्णयांमधून निर्माण होतो.

आता विचार करा – तुमची गुंतवणूक योग्य ठिकाणी आहे का?

जर तुम्ही आतापर्यंत कुठेही पैसे गुंतवले असतील आणि त्यातून नुकसान झालं असेल, तर आता वेळ आहे योग्य दिशा निवडण्याची!

योग्य गुंतवणुकीची सुरुवात करण्यासाठी,

तुमचे पैसे योग्य ठिकाणी वाढवण्यासाठी,

आणि श्रीमंत होण्यासाठी…

पुढच्या पॉईंटमध्ये एक मोठी चूक आहे, जी ९०% गरीब लोक करतात!ही चूक टाळली नाही, तर तुमच्या श्रीमंत होण्याच्या संधीचं नुकसान होऊ शकतं!

पुढे वाचण्यासाठी तयार आहात का?

चूक क्रमांक ३: लॉटरी किंवा शॉर्टकटच्या शोधात असतात!

एक दिवस लॉटरी लागेल! – गरीब लोकांचं फेव्हरेट स्वप्न!

मी १०,००० रुपये गुंतवले होते, पण आता काहीच हातात नाही!

कोणीतरी सांगितलं होतं की इथे पैसे डबल होतात…

तुम्हालाही असं वाटतं का की एखाद्या दिवसात, एका मोठ्या संधीमुळे किंवा एका वेगळ्या निर्णयामुळे तुम्ही श्रीमंत व्हाल? जर होय, तर तुम्हीही एका मोठ्या सापळ्यात अडकत आहात.

गरीब लोकांचा मानसिकतेतील मोठा दोष मी काहीतरी जादूई करू शकतो!

गरीब लोकांना वाटतं की एक “सिंगल मोठा चान्स” आला की त्यांचं आयुष्य बदलणार आहे. त्यामुळे ते लॉटरी, क्रिकेट सट्टा, जुगार, आणि “फास्ट पैसा मिळवायच्या स्कीम्समध्ये पैसे टाकतात.

आज नाही, पण उद्या काहीतरी मोठं घडेल!

बस, एक लॉटरी लागली की मी लखपती होणार!

शेअर मार्केटमध्ये कोणी सांगेल, मी पैसे लावेन, आणि मला लाखोंचा फायदा होईल!

पण खरंच असं होतं का? नाही!

९९% लोकांना लॉटरी जिंकून श्रीमंत होता येत नाही.

९०% लोक फास्ट पैसा कमवायच्या नादात पैसा गमावतात!

गरीब लोक कुठे चुका करतात?

फास्ट पैसा कमवायच्या नादात ते चुकीच्या मार्गावर जातात. ते “आज गुंतवा, उद्या डबल!” अशा स्कीम्समध्ये पैसे टाकतात.त्यांना वाटतं कमी वेळात जास्त पैसे कमावण्याचा काहीतरी शॉर्टकट मिळेल.पण वास्तविकता अशी आहे की शॉर्टकट शोधणारे नेहमी हरतात!

ते मेहनतीला पर्याय शोधतात. गरीब लोक “काम न करता पैसा कमवता येईल” असा विचार करतात. पण जगात असा एकही श्रीमंत व्यक्ती नाही जी काम न करता यशस्वी झाली आहे. अपयशी लोक नेहमी म्हणतात, मी प्रयत्न केला, पण काही उपयोग नाही. श्रीमंत लोक म्हणतात, मी प्रयत्न करत राहीन, आणि मी शिकेन!

ते गेम ऑफ चान्सवर विश्वास ठेवतात, गेम ऑफ स्किलवर नाही. गरीब लोक लॉटरी, जुगार किंवा “कोणी सांगेल, मी पैसे लावेन” असं विचार करतात. पण श्रीमंत लोक त्यांचा पैसा आणि वेळ योग्य ठिकाणी गुंतवतात म्हणजे शिक्षण, कौशल्यं आणि योग्य गुंतवणूक!

श्रीमंत लोक कसा विचार करतात?

ते मेहनतीवर विश्वास ठेवतात. मेहनतीला पर्याय नाही. श्रीमंत लोक दिवस-रात्र शिकतात, अपयशातून धडे घेतात, आणि स्वतःला अपग्रेड करतात.

ते स्किल शिकतात आणि पैसे गुंतवतात. श्रीमंत होण्याचा एकमेव शॉर्टकट म्हणजे तुमची कौशल्यं वाढवणं! शेअर मार्केट, बिझनेस, रिअल इस्टेट, म्युच्युअल फंड श्रीमंत लोक हे सर्व शिकतात आणि मग गुंतवणूक करतात.

ते लाँग टर्म विचार करतात आणि शॉर्टकट शोधत नाहीत. गरीब लोक म्हणतात, पैसे कसे पटकन कमवता येतील? श्रीमंत लोक म्हणतात, कसें पैसे योग्यरित्या वाढवता येतील? त्यामुळे श्रीमंत लोक दीर्घकालीन फायदेशीर योजना आखतात आणि नफा कमवतात.

तुमच्या आयुष्यात बदल घडवायचा आहे ना? मग शॉर्टकट विसरा आणि योग्य रस्त्याने चला!

तुम्हाला शेअर मार्केटमध्ये गुंतवणूक करून श्रीमंत व्हायचंय? शॉर्टकटचा मोह सोडा आणि शेअर मार्केटचं योग्य ज्ञान मिळवा.

शेअर मार्केट बेसिक्स ते अ‍ॅडव्हान्सड शिकायचंय?

तर हा ब्लॉग वाचा: शेअर मार्केट मध्ये गुंतवणूक कशी करावी : Shere Market in Marathi Step By step

आता निर्णय तुमचा – श्रीमंतीच्या दिशेने पहिलं पाऊल उचलणार, की अजूनही शॉर्टकटच्या शोधात राहणार?